భద్రాద్రి కొత్తగూడెం జిల్లా: గ్యాస్ వాడకం పై ప్రమాదాల నివారణ అప్రమత్తతపై అవగహన కార్యక్రమం

భద్రాద్రి కొత్తగూడెం జిల్లా:

గ్యాస్ వాడకం పై, ప్రమాదాల నివారణ అప్రమత్తత పై అవగహన కార్యక్రమం

కొత్తగూడెం పట్టణం లోని మేదర బస్తీ ఏరియా లో గల ప్రభుత్వ పాఠశాలలో విద్యార్ధినీ విద్యార్థులకు వంట గ్యాస్ వాడకం పై తగు జాగ్రత్తల పై గ్యాస్ కంపెనీ సిబ్బంది అవగాహన కల్పించారు. ప్రమాదాలు జరగకుండా తీసుకోవాల్సిన జాగ్రత్తలు వివరించారు. ఒకవేళ ఏమైనా అనుకోని ప్రమాదాలు జరిగితే పాటించాల్సిన చర్యలను నివృత్తి చేశారు.

గ్యాస్ వాడేటప్పుడు గ్యాస్ లీకేజీ అయినా వెంటనే 1906 నెంబర్ కి డైల్ చేయండి. డైల్ చేస్తే మీ గ్యాస్ డీలర్ యొక్క మెకానిక్ వచ్చి మీ యొక్క సమస్య నీ పరిష్కరిస్తాడు.మీ వంట గ్యాస్ కి వాడే సురక్ష రబ్బర్ ట్యూబ్ నీ ప్రతి ఒక్క వినియోగదారుడు 5 సంవత్సరాల ఒకసారి మార్చాలి.మార్చినట్లయితే ప్రమాదం నుండీ బయట పడవచ్చని తెలిపారు. సురక్ష రబ్బర్ ట్యూబ్ మీ యొక్క డీలర్ వద్దనే తీసుకోవాలని తెలిపారు.

విద్యార్థులకు గ్యాస్ వాడకం పై సందేహాలను అడిగి తెలుసుకొని వాటిని అర్ధమయ్యేలా విద్యార్థులకు వివరించారు.ఈ కార్యక్రమంలో స్కూల్ యాజమాన్యం, గ్యాస్ కంపెనీ సిబ్బంది పాల్గొన్నారు