చర్చ : భద్రాచలం, భద్రాద్రి కొత్తగూడెం జిల్లా…

చర్చ : భద్రాచలం, భద్రాద్రి కొత్తగూడెం జిల్లా… బీసీ రిజర్వేషన్ల పై భద్రాచలంలో అఖిలపక్షం ఆధ్వర్యంలో సంపూర్ణ బంద్…

భద్రాచలం: స్థానిక సంస్థల ఎన్నికల్లో బీసీ రిజర్వేషన్లు పెంచేందుకు ప్రభుత్వం జారీ చేసిన జీవోపై న్యాయస్థానం స్టే విధించడాన్ని నిరసిస్తూ, నేడు (అక్టోబర్ 18) బీసీ సంఘాల ఆధ్వర్యంలో రాష్ట్ర బంద్ లో భాగంగా నేడు భద్రాచలం లో అఖిల పక్షం ఆధ్వర్యంలో బంద్ కొనసాగుతుంది, బీసీల హక్కుల పరిరక్షణ కోసం చేపట్టిన ఈ నిరసన కార్యక్రమానికి రాష్ట్రంలోని అన్ని ప్రధాన రాజకీయ పార్టీలు, వివిధ బీసీ కుల సంఘాలు, విద్యార్థి మరియు కార్మిక సంఘాలతో పాటు ప్రజలు పెద్ద ఎత్తున మద్దతు తెలిపారు..కోర్టు స్టే కారణంగా స్థానిక ఎన్నికల్లో బీసీ రిజర్వేషన్ల శాతం తగ్గింపునకు దారి తీస్తుందని ఆందోళన వ్యక్తం చేస్తూ, బీసీ సంఘాల సంయుక్త కార్యాచరణ కమిటీ (JAC) ఈ బంద్‌కు పిలుపునిచ్చింది. బీసీలకు న్యాయం జరిగే వరకు తమ పోరాటం కొనసాగుతుందని బీసీ నాయకులు స్పష్టం చేశారు.భద్రాచలంలో ఉదయం నుంచే బంద్‌ ప్రభావం స్పష్టంగా కనిపించింది. పలు ప్రాంతాల్లో ఆర్టీసీ బస్సులు డిపోలకే పరిమితం కాగా, ప్రైవేటు విద్యా సంస్థలు, వాణిజ్య సముదాయాలు స్వచ్ఛందంగా మూతపడ్డాయి. అత్యవసర సేవలు (ఆసుపత్రులు, వైద్య దుకాణాలు) మినహా మిగిలిన అన్ని కార్యకలాపాలు నిలిచిపోయాయి…విచిత్రంగా, ఈ రిజర్వేషన్ల విషయంలో ప్రభుత్వానికి కోర్టులో ఎదురుదెబ్బ తగిలినప్పటికీ, అధికారంలో ఉన్న పార్టీతో పాటు ప్రధాన ప్రతిపక్షాలు కూడా ఈ బంద్‌కు సంపూర్ణ మద్దతు ప్రకటించాయి. బీసీల సామాజిక న్యాయం విషయంలో తమ నిబద్ధతను చాటుకునేందుకు అన్ని రాజకీయ పక్షాల నేతలు బంద్‌లో పాల్గొని, నిరసన ప్రదర్శనలు చేపట్టారు. బీసీ రిజర్వేషన్ల అంశాన్ని కేంద్ర, రాష్ట్ర ప్రభుత్వాలు వెంటనే పరిష్కరించి, బీసీలకు న్యాయం చేయాలని ఈ సందర్భంగా డిమాండ్ చేశారు..బంద్ నేపథ్యంలో ఎలాంటి అవాంఛనీయ ఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. నిరసనకారులు శాంతియుతంగా తమ నిరసనను తెలియజేయాలని పోలీసులు సూచించారు…మొత్తం మీద, బీసీ రిజర్వేషన్ల పై కోర్టు తీర్పు నేపథ్యంలో, రాష్ట్రవ్యాప్తంగా జరిగిన ఈ బంద్ బీసీల హక్కులు మరియు సామాజిక న్యాయం కోసం ప్రజల్లో ఉన్న ఉమ్మడి ఆకాంక్షను, ఐక్యతను చాటి చెప్పింది.
BYTES…1.BOLISETTY RANGARAO BC NAYAKULU
2.RAVIKUMAR CPI NAYAKULU
3KECHHALARANGAREDDY CPIML
4.BANDARU NAGESWARARAO BC NAYAKULU
5.AJ RAMESH CPM